Gusto Kong Maging Malaya

Gusto kong maranasan

Ang tumakbo sa ilalim ng ulan

Hindi naghahanap ng masisilungan

Tumalon-talon hanggang madulas sa kalsada

At tumayong muli habang tumatawa.

Gusto kong damhin ang init ng araw

Maglakad sa tirik na tirik nitong sikat

Walang paki sa pawis na nalilikha

At sa pagkauhaw na maaring madama.

Gusto kong maging gaya ng iba.

Nakapagsasalita.

Nakukuha ang gusto.

Nakapagrereklamo.

Nakaaawit.

Nakasasayaw.

Nakatatakbo nang mabilis.

Nakasisigaw.

Nakalilipad.

Nakalalangoy.

Nakalilimot.

Nakapagmamahal.

At minamahal.

Gusto kong maging malaya

Hindi nagaalala sa magiging resulta

Hindi nagiisip na hindi ko kaya

Gusto ko ng mapagod sa pagaalala.