CamSur Expedition Day 2: Appreciating God's Wonders

Ito ang pinakamahabang araw sa bakasyon namin.

Nagbilin sa'kin si Au (pati na rin yata si Kyle) na gisingin sila ng 2am para raw may oras magbreakfast, magprepare at bumiyahe nang mahaba papuntang Sabang port. Doon namin sasakyan ang first trip ng ferry going to Guijalo port.

Pero nalimutan yata nila na 2am sila nagpagising. Bakit daw kasi ang aga ko nambulabog. -.-'

Funny ni Au, kasi bigla siyang bumangon noong ginising ko, as in biglang upo sa kama, diretsong-diretso.

Nagpatawag kami ng taxi sa isa sa mga gising na tauhan sa JomcKayl. At ang bongga ng pamasahe. Later on, nalaman namin na hindi tama ang siningil sa amin. Kaya pala may mga extra service si Manong driver sa amin, like, pagpapastay sa loob ng taxi habang madilim pa at wala pa ang ferry, pagsama kina Al para makahanap ng CR, pagbibigay ng payo na huwag basta basta ipagkatiwala ang mga bagahe sa porters, etc.  Hindi na kami nakatawad. T.T

Unang beses ko rin na sasakay ng ferry. :D Ang sabi, limahan daw 'yung isang row, kaya ayon, pinagkasya namin ang mga sarili namin. Ang sikip. >.< Pwede naman palang maghiwa-hiwalay kasi medyo maluwag pa naman sa ibang upuan. Haha.

Mahaba ang byahe at wala kang makikita kundi puro tubig at paminsan-minsang isla o malalaking tipak ng bato. Hindi rin naman kami makapagkwentuhan dahil nangingibabaw ang tunog ng motor ng ferry. So most of the time, tulog kami.


At this point, narealize ko na kumpleto ko na ang lahat ng klase ng transportation - land, air, water. Parang Encantadia lang. Wala naman sigurong fire, noh? XD


Namiss namin ang sundo namin sa may Guijalo port. Kaya nagsarili kami ng tricycle hanggang Rex Tourist Inn sa may centro.  Pinatuloy muna kami ng may-ari at pinayagan na maglibut-libot muna. Namili na kami ng lunch at ilang pasalubong. :D


Then, hinatid na kami ng tricycle papunta sa Paniman kung saan nakatirik ang aming beachfront na titirahan. :D Ang bouncy ng ride, grabe. May minsanan pang bababa ka sa tricycle para maglakad nang konti.

Ang aming bahay. :D Isang kwarto ang kinuha namin. May dalawang bed, isang aircon, isang electric fan. May dalawa ring tuwalya. May isang CR. Pero dahil kami lang ang guest sa mga oras na iyon, pinayagan kaming gamitin ang CR sa iba pang kwarto. :D May water dispenser nga rin pala. Nakakaaliw rin ang marami nilang sabitan at sampayan. :p

Finally, long trip island hopping with Kuya Ramil (bangkero), Kuya Ramir (anak ni Kuya Ramil), at Princess (boat nila)!

Princess. :p Hindi lang yan basta bangka. Sikat yan. Model yan ng mga stickers, magnet, etc. na binebenta sa mga souvenir shops!

Sobrang ganda ng mga islands. And by 'long trip island hopping', ang ibig sabihin, sa malalayong isla pupunta, tatlong isla yata. Akala ko kasi, maraming isla ang pupuntahan. Sa tagal nga ng byahe, naalala ko na si Rizal at ang kanyang paglalakbay patungong Europa sa pamamagitan ng barko. Sabi ko nga bigla kay Al, nasa Europe na kami. :p


Pero dahil mabait sina kuya, magsabi lang kami ipapakita niya ang iba pang isla sa amin (basta ba may oras pa at safe bumiyahe sa dagat). :) In the end nakaapat kami - Manlawi Sandbar (na hinahanap ni Kyle sa tubig sa tabi ng bangka namin), Sabitan Laya, Lahos (kung saan naganap ang maraming jump shots), Matukad (paborito kong island, sobrang smooth ng sand at may rock climbing activity na pwedeng gawin para makita sa top ang nakatagong lagoon with lone bangus). 
May bonus pa, nag-sight seeing kami sa Gota Beach, kung saan kasalukuyang ginaganap ang Survivor France. :D


Nameet ko si Patrick star. :D

Noong una, natatakot akong hawakan siya.

Ang sarap din ng kain namin ng lunch. Wala kaming nabitbit na utensils. So 'yung mga pagkain, nasa supot na may banana leaf at kinakamay lang namin. Ang sarap ng kinunot, laing at lechon kawali. :D

Eto ang isa sa mga pinagdausan ng isang challenge sa Survivor France. :D

Nakakatuwa kasi kung hindi kami magisa, konti lang talaga ng mga tao na kasabay namin.  Hindi pa kasi ganoon ka-commercialized ang Caramoan. Kaya ang ganda pa at preserved. Sana ma-maintain. Ang sabi, next Boracay raw ang Caramoan. Hindi ko actually alam kung matutuwa ako. Kasi from what I heard (dahil hindi pa naman ako nakakarating doon), medyo exploited na raw ang Boracay?

Accounting Entries Day 2:

JomcKayl room - 1300Php/5 =  260Php

Taxi to Sabang - 2500Php/5 =  500Php (1500Php lang ang normal)

Ferry to Guijalo port - 120Php

Terminal Fee - 30Php

Tricycle to centro - 20Php

Pili Nuts (100 pieces) - 40Php

Lunch from Caramoan Bed and Dine - 314Php/5  = 62.8Php

Tricycle to Paniman - 150Php/5 = 30Php

Boat  -  2500Php/5 = 500Php

Dinner - 535Php/5 = 107Php

Total = 1669.8Php

>>CamSur Expedition Day 1: I Flew, I Sang, I Posed for Freedom!
>>CamSur Expedition Day 3: Goodbye and Thank You. See You Again Soon!